Listado de cancións - Lucía (5ºEP)

Ola! Que tal seguides?

Hoxe toca poñer a lista de cancións de Lucía (5º EP). Espero que a disfrutedes!

Non esquezades poñer nos comentarios cal é a vosa canción favorita e por que.

Unha aperta enorme!

Lista de cancións - David (6º EP)

Ola a todos! Que tal vai esa corentena?

O noso compañeiro David fíxonos chegar o seu listado, Espero que vos sirva para mover un pouco o esquelete! Non esquezades comentar cal é a vosa canción favorita da súa lista e dicir o por que!

Forbidden friendship - 3º/4º EP

Bo día!

Por 3º/4º EP seguimos coas bandas sonoras como viñamos facendo no cole.

Desta vez, propóñovos esta peza que, se ben non me equivoco, temos empregado algunha vez na relaxación ao rematar a clase. Trátase da peza "Forbidden friendship", da película Como entrenar a tu dragón. A banda sonora desta película foi composta por John Powell.

• Despois da entrada da orquestra, comeza un ostinato (un modelo rítmico que se repite constantemente) por parte duns instrumentos de percusión dos que temos na aula de música e da súa "irmá maior", a marimba, acompañados por campás. Adiviñades de que instrumentos se tratan? 
• Ademais dos instrumentos de percusión antes mencionados, que outros instrumentos identificas?
• Cara o final da peza, hai un momento no que empezan a soar voces. Que tipo de voces son, masculinas ou femininas? Atreveríadesvos a dicir se son baixos, tenores, contraltos ou sopranos?

Espero as vosas respostas.

Saúdos a tod@s!

Comeza a Primavera - 1º/2º EP

Ola a todos!

Con motivo do comezo da primavera quería partillarvos o seguinte musicograma realizado pola Orquesta Municipal de Santiago de Chile. A obra representada mediante este musicograma é o movemento "Allegro" do Concerto nº 1 en Mi M, op. 8, RV 269, de Antonio Vivaldi, máis coñecido como A primavera.

Por que credes que os mesmos debuxos aparecen ás veces en grande e outras en pequeno? Que diferencia hai?

Que instrumento pensades que soa cando aparecen os paxaros?

Espero os vosos comentarios! Un saúdo a todos!

Reto "Tódolos días con música" - 5º/6º EP

Ola a todos!

Estreamos o blogue cun reto para 5º e 6º EP para levar a cabo alomenos mentres dure a corentena, aínda que se pode continuar no caso de que nos reincorporemos pronto ás clases.

Para animar un pouco estes días encerrados na casa, que vos parece se escoitamos un pouco de música?

Enviade ó correo quintoesextofonteescura@gmail.com unha lista coas vosas 5 cancións preferidas. Procurade que non leven palabras malsonantes e que non teñan contidos inapropiados, pero salvo por iso, calquera estilo vale. Intentade tamén que sexan o máis variadas posibles, é dicir, que non sexan todas do mesmo cantante ou artista.

En canto mas enviedes farei unha entrada no blog https://musicalbamapi.blogspot.com cada día para que todos escoitedes a música de cada un dos vosos compañeiros. Deberedes comentar no blog (indicando o voso nome) que canción das que comparten os vosos compañeiros vos gustou máis e cal menos, e por que.

Unha aperta a todos e espero que esteades todos ben.

Alba_Mapi